Қазақстан Республикасы Қорғаныс министрлігі
Ресми интернет-ресурс

Астанада ҚР ҚМ Заң департаменті, ҚР ҚК Әскерлерді пәтерлерге орналастыру бас басқармасы, ҚР ҚМ Экономика және қаржы департаментінің, сондай-ақ Ақмола аудандық пайдалану бөлімінің өкілдері әскери қызметшілерге әскери қызметшілерді баспанамен қамтамасыз етудің жаңа тетігінің негізгі өзгерістерін түсіндіріп берді.

Жамбыл облысындағы 120 пәтерлі бес тұрғын үй пайдалануға берілді. «Оңтүстік» өңірлік қолбасшылығына қарасты 91678 әскери бөлімінің әскери қызметшілеріне қоныстой тойлау бақыты бұйырды.

Қазақстанның шығысындағы Аягөз гарнизонында 90 әскери қызметші мен олардың отбасылары жаңа қоныс иегерлері атанды. Мұнда күрделі жөндеуден кейін тұрғын үй пайдалануға берілді.

Осы жылдың соңына дейін күрделі құрылыс, күрделі жөндеу және баспана сатып алу арқылы 1 639 пәтер пайдалануға беру жоспарлануда.

Бүгінгі күні ҚР Қорғаныс министрлігінің балансында 19,7 мың пәтер бар. Әскери қызметшілерді тұрғын үймен қамтамасыз етудің қажеттілігі еліміздің барлық өңірлерінде жалпы көлемі 1 119 мың шаршы метр 20,5 мың пәтерді құрайды. Олардың ішінде Астана, Алматы қалалары үшін қажетті тұрғын үйдің жалпы көлемі 509,4 мың шаршы метр 9,4 мың пәтерді құрап отыр

Тұрғын үймен қамтамасыз етуде құқықтық қатынасты ретке келтіру жөніндегі кешенді және жүйелі көзқарас қалыптастыру үшін тұрғын үймен қамтамасыз ету мәселелері мамандандырылған жалға алынған баспана ұсыну арқылы Қорғаныс министрлігімен әзірленіп жатқан заң жобасы шеңберінде қаралуда.

Астанада әскери қызметшілер тұрып жатқан жатақханаларды пәтерден бөлмеге қайта тіркеу жоспарланған.  Бұл процесс әрі қарай әскери қызметшілердің жекешелендіру құқығының орнына үстемеақы алуына ықпал етеді.

Елбасы – ҚР Тұңғыш Президенті атындағы Ұлттық қорғаныс университетінің әскери қызметшілеріне пәтерлердің кілті табысталды. Жаңа тұрғын үй арнайы жоғары оқу орнының профессорлық-оқытушылар құрамы үшін салынды.  Бұл баспанаға 232 отбасы орналастырылады.

Қазақстан Республикасы Қорғаныс министрлігінің балансында 2015 жылғы қарашадағы жағдай бойынша шамамен 8 жарым мың бар. Жыл сайын бюджетпен бөлінетін ақшалай қаражат ҚР ҚК ғимараттары мен құрылысының жалпы санынан 5-тен 7%-ға дейін жөндеуді қамтуға мүмкіндік береді.